ჯუდი ჩანგი

ჯუდი ჩანგი

კომისიის წევრი

ენერგეტიკის მარეგულირებელი ფედერალური კომისია (FERC)

ჯუდი ჩანგი ენერგეტიკის მარეგულირებელ ფედერალურ კომისიას 2024 წლიდან შეუერთდა, კომისიის წევრის პოზიციაზე. იგი ენერგეტიკის ეკონომიკისა და პოლიტიკის ექსპერტია, რომელსაც ენერგეტიკულ კომპანიებთან, სავაჭრო ასოციაციებთან და მთავრობებთან მარეგულირებელ და ფინანსურ საკითხებზე თანამშრომლობის 20 წელზე მეტი გამოცდილება აქვს. თანამშრომლობა უმეტესწილად მოიცავს ელექტროენერგიის გადაცემის, სუფთა ენერგიისა და ენერგიის შენახვის სფეროში საინვესტიციო გადაწყვეტილებების მიღების საკითხებს.

ჩანგი მასაჩუსეტსის ენერგეტიკისა და გარემოს დაცვის აღმასრულებელი ოფისის ყოფილი მოადგილეა. ამ თანამდებობაზე იგი ხელმძღვანელობდა თანამეგობრობის ენერგეტიკულ სექტორში პოლიტიკის შემუშავებას და კლიმატის ცვლილების შერბილების მიმართულებით სამართლებრივი მოთხოვნების დასაკმაყოფილებლად გეგმებისა და სტრატეგიების შესაბამისობაში მოყვანას.

ჩანგს აშშ-ის ფედერალური და სახელმწიფო სააგენტოებისა და კანადის მარეგულირებელი ორგანოების წინაშე წარდგენილი აქვს ენერგორესურსების განლაგებასთან, ენერგეტიკულ კონტრაქტებთან, გადაცემის დაგეგმვასთან, წვდომასა და ფასებთან , ასევე ელექტროენერგიის ბაზრის დიზაინთან დაკავშირებული თემები.

მას ასევე თავისი ნაშრომები წარდგენილი აქვს ინდუსტრიულ კონფერენციებსა და აკადემიურ სემინარებზე ენერგეტიკისა და გარემოსდაცვითი პოლიტიკის შესახებ.

კომისიის წევრი ჩანგი ჰარვარდის კენედის სკოლაში საჯარო პოლიტიკის ასისტენტ ლექტორად მუშაობდა და კენედის სკოლის მოსავარ-რაჰმანის ბიზნესისა და მმართველობის ცენტრში უფროსი მკვლევარი იყო. ის ასევე იყო აშშ-ის ენერგეტიკის დეპარტამენტის სუფთა ენერგიის განათლებისა და გაძლიერების ინიციატივის ელჩი და „ახალი ინგლისის ქალები ენერგეტიკასა და გარემოში“ დამფუძნებელი საბჭოს წევრი.

ჩანგი ფლობს ჰარვარდის კენედის სკოლის საჯარო პოლიტიკის მაგისტრის ხარისხს და დევისში არსებული კალიფორნიის უნივერსიტეტის ელექტროინჟინერიისა და კომპიუტერული მეცნიერებების ბაკალავრის ხარისხს.