სიტი საფინა ბინტი სალეჰი

სიტი საფინა ბინტი სალეჰი

აღმასრულებელი ოფიცერი

მალაიზიის ენერგეტიკის კომისია

სიტი საფინა ბინტი სალეჰი ფლობს მალაიზიის მულტიმედიური უნივერსიტეტის  ინფორმაციული ტექნოლოგიების ბაკალავრის ხარისხს, ასევე მალაიზიის ტექნოლოგიების უნივერსიტეტის ბიზნესისა და ჰარვარდის უნივერსიტეტის  საჯარო ადმინისტრირების მაგისტრის ხარისხს.

სალეჰმა კარიერა ტელეკომუნიკაციებისა და ციფრული ეკონომიკის სექტორში დაიწყო, კერძოდ კი მუშაობდა ტელეკომის მალაიზიურ ჯგუფსა (Telekom Malaysia Group) და  მალაიზიის ციფრული ეკონომიკის კორპორაციაში (MDEC). მოგვიანებით ის შეუერთდა მალაიზიის სუვერენულ ფონდს (Khazanah Nasional), სადაც სხვადასხვა წამყვანი თანამდებობა ეკავა მმართველობის, რისკებისა და შესაბამისობის სამმართველოში, ასევე სტრატეგიულ დაგეგმვასა და პორტფოლიოს მართვაში. მისი პორტფოლიო მოიცავს მდგრადი ინვესტიციების პრაქტიკის დანერგვასა და თანამშრომლობას გლობალურ ინსტიტუციონალურ ინვესტორებთან, მარეგულირებლებთან და სუვერენულ ფონდებთან. სალეჰი ასევე იყო საინვესტიციო კომპანიის, VCAP Asset Managers-ის საბჭოს წევრი.

2021 წლის თებერვალში სალეჰი დაინიშნა ენერგეტიკისა და ბუნებრივი რესურსების სამინისტროს (ახლანდელი PETRA) სპეციალური დანიშნულების სააგენტოს -კორპორაცია MyPOWER-ის აღმასრულებელ ოფიცრად. MyPOWER-ში ის ხელმძღვანელობდა მალაიზიაში ელექტროენერგიის მიწოდების ინდუსტრიის რეფორმის ინიციატივების კოორდინაციასა და განხორციელებას.

სალეჰი ენერგეტიკის კომისიის (Suruhanjaya Tenaga) აღმასრულებელ ოფიცრად 2025 წლის 19 თებერვლიდან დაინიშნა.