ნუნო მედეიროსი

ნუნო მედეიროსი

კრიტიკული სისტემების უფროსი დირექტორი

პორტუგალიის ელექტროენერგიის განაწილების სისტემის ოპერატორი (E-REDES)

ნუნო მედეიროსი იკავებს პორტუგალიის ელექტროენერგიის განაწილების სისტემის ოპერატორის (E-REDES) კრიტიკული სისტემების უფროსი დირექტორის პოზიციას და ხელმძღვანელობს კომპანიისთვის კრიტიკული ეკოსისტემის სტრატეგიულ განვითარებას, ეფექტიანობასა და უსაფრთხოებას. გარდა ამისა, როგორც ინფორმაციული უსაფრთხოების მთავარი ოფიცერი (CISO), ნუნო ზედამხედველობს ორგანიზაციის ინფორმაციული უსაფრთხოების საერთო სტრატეგიას, კიბერუსაფრთხოების მდგრადობას და მარეგულირებელ მოთხოვნებთან შესაბამისობას.

აღნიშნულ პოზიციამდე მედეიროსი დაინიშნა კიბერუსაფრთხოების დეპარტამენტის ხელმძღვანელად, სადაც ზედამხედველობდა ორგანიზაციის უსაფრთხოების არქიტექტურას, რისკებზე დაფუძნებული მიდგომის საშუალებით უზრუნველყოფდა პროდუქტებისა და პროცესების უსაფრთხოებას და კონფიდენციალურობას.

2020 წელს ნუნო ხელმძღვანელობდა „IT/OT სტრატეგიას და კიბერუსაფრთხოებას“, რომლის ფარგლებშიც პასუხისმგებელი იყო არქიტექტურის, პლატფორმების, აპლიკაციებისა და ქსელური გადაწყვეტილებების შემუშავებაზე, ასევე კიბერუსაფრთხოებისა და ოპერაციული მდგრადობის უზრუნველყოფაზე კომპანიის ციფრული ტრანსფორმაციის სტრატეგიის მხარდასაჭერად.

მედეიროსი ასევე არის ევროპის ენერგეტიკული ინფორმაციის გაზიარებისა და ანალიზის ცენტრის (EE-ISAC) დამფუძნებელი წარმომადგენელი და საბჭოს წევრი, ასევე პორტუგალიის ენერგეტიკული ინფორმაციის გაზიარებისა და ანალიზის ცენტრის (ISAC) აღმასრულებელი კომიტეტის თავმჯდომარე.